GÍTAR
GRUNNUR

Að byrja spila á gítar getur verið ósköp mikill frumskógur að troðast í gegnum. Það er erfitt að vita hvar á að byrja, hvað ber að varast og hvaða leiðir er hægt að taka til að stytta sér leiðina.

Rökrétt framhald
Markmið þessa námskeiðs er að leiða byrjendur áfram frá þeirra fyrsta hljómi og yfir í það að geta orðið allavegana „partýfær“ á gítarinn. Við hvern hljóm sem er farið yfir mun kennari lýsa leiðum til að ná góðum árangri við hljómaspilið.

Eitt í einu
Í byrjun námskeiðinsins er farið yfir praktísk atriði eins og hvernig skuli stilla gítarinn, hvernig sé gott að halda á honum og mikilvæg atriði sem snúa að handstöðu.

Fjöldi laga og hljómaæfinga
Strax í 2. tíma lærir nemandinn sinn fyrsta hljóm og þá strax verður sá hljómur æfður við undirleik hljómsveitar. Hljómaæfingarnar og lögin sem farið verður yfir á námskeiðinu gera stigmagnandi kröfur til nemenda eftir sem á námskeiðið líður. Í öllum lögum og æfingum er hægt að fara mismunandi leiðir/erfiðleikastig og ræðst það af því hvar nemandinn er staddur í sínu gítar ferðalagi hvaða leið hann velur. Ef auðveldari leið er valin þá er tilvalið að prófa næsta erfiðleikastig eftir 2-3 vikur.

Uppbygging námskeiðins
Við leggjum okkur fram við að setja námskeiðið upp þannig að það byggist upp í rökréttu framhaldi af því sem undan er gengið. Erfiðleikastigin geta verið mismunandi og undirleikur hljómsveitar er margnýtanlegur í öll afbrigði af spili nemandans. Það er um að gera að prófa fara til baka og spila aftur þau lög sem maður er búinn með og prófa nýja tækni sem maður hefur lært, þannig getur nemandinn fengið margfallt út úr námskeiðinu.

2-3 mánuðir
Námskeiðið er sett upp þannig að nemandinn ætti að vera orðinn nokkuð fær í flestan sjó eftir 2-3 mánuði. Það getur tekið skemmri eða lengri tíma, það fer allt eftir því hvað er mikið lagt í æfingar ofl.