Að þekkja gítarhálsinn, og þá sérstaklega E og A strengi, er nauðsynlegt til að vita hvað maður er að spila þegar kemur að þvergripum og svokölluðum „power chords“, sem við munum skoða í næsta tíma.

Í tímanum er það sýnt hvernig, með auðveldum hætti, er hægt að finna út nótnanöfnin á öllum hálsinum. Aðeins þarf að muna nótnastafrófið: A-B-C-D-E-F og vita að það eru lítil bil á milli B-C og E-F.

Gítartími 6 – gítarhálsinn

Tónastöðin styður við bakið á okkur við framleiðslu þessa efnis og kunnum við þeim bestu þakkir fyrir. Kíktu endilega í Tónastöðina í Skipholti 50D eða á netinu á Tonastodin.is.

Adrian Frederik Smith ( fæddur 27. febrúar 1957 ) er helst þekktur fyrir að spila á gítar í hljómsveitinni Iron Maiden.

15 ára gamall stofnaði Adrian og vinur hans Dave Murray hljómsveitina Urchin hljómsveitin spilaði til að byrja með Cover lög og tróðu upp í skólum og skemmtistöðum. Dave Murray yfirgaf svo hljómsveitina og gekk til liðs við Iron Maiden stofnaða af bassaleikaranum Steve Harris. Nokkru síðar tóku meðlimir hljómsveitarinnar sig til og skrifuðu sitt eigið efni. Ekki varð mikið úr hljómsveitinni en Adrian gekk til liðs við Iron Maiden 1980 og spilaði á annari plötu hljómsveitarinnar Killers. Adrian og Dave spila oftast saman tvöfaldar “lead” línur sem einkennt hefur stíl Iron Maiden frá því hann gekk til liðs við hljómsveitina.

Með Iron Maiden samdi Adrian þó nokkur af slögurum hljómsveitarinnar meðan annars Wasted Years, Moonchild og The Evil That Men Do. Adrian Smith hefur í gegnum tíðina sungið bakraddir en í einu lagi skipti hann um hlutverk við söngvarann Bruce Dickinson sem tók þá að sér bakraddir á meðan Adrian söng lagið Reach Out. Lagið var þó ekki gefið út á hljómplötu með sveitinni en var skrifað á B-hlið slagarans Wasted Years árið 1986.

Adrian hætti í Iron Maiden árið 1990 og spilaði á sóloplötu Michael Kiske söngvara Helloween. Seinna stofnaði hann hljómsveitina The Untouchables sem breytti nafninu svo í Psycho Motel en hljómsveitin gaf út plöturnar State of Mind (1996 ) og Welcome to the Worl (1997)

Adrian Smith spilaði einnig á sólóplötur Bruce Dickinson Accident of Birth og Chemical Wedding. En ásamt Bruce fór Adrian í tónleikaferðalög og gengu þeir félagarnir aftur til liðs við hljómsveitina Iron Maiden og gáfu út plötuna Brave New World árið 2000. Iron Maiden hélt þá eftir þeim sem fenginn hafði verið í skó Adrians og voru nú með 3 gítarleikara þá Dave Murray, Janick Gers og Adrian Smith. Eftir að Adrian gekk aftur til liðs við hljómsveitina fóru Iron Maiden að sækja í sig veðrið aftur en Adrian Smith hefur mjög sérstakan spilunarstíl sem hann kýs að kalla “heavy picking” en þar sem hefðbundnir gítarleikarar nota hammer-ons, pull-off og slide mikið í sólóunum sínum þá hefur Adrian alltaf verið meira fyrir að pikka sem flestar nótur sem gefur lead-línum og sólunum hans öðruvísi einkenni en hinna gítarleikara hljómsveitarinnar.

Adrian Smith segir að besti gítarinn sinn sé Gibson Les Paul sem hann keypti á 235 pund þegar hann var 17 ára gamall. Hann hefur í gegnum tíðina spilað mikið á Gibson gítarana Explorer og SG ásamt Les Paul en hefur einnig mikið notað Ibanez Destroyer og Fender Stratocaster og Telecaster. Í dag notast Adrian mest við signature útgáfur af Jackson San Dimas Dinky en það eru 15 ár síðan hann var síðast samningsbundinn gítarframleiðanda.

Höfundur:Arnar Geir Kárason.
Þegar hann er ekki að hlusta á Iron Maiden eða skrifa PHP kóða þá er hann ýmist að eyða tíma með fjölskyldunni eða stunda ljósmyndun að kappi. Hér má smá myndir eftir hann, ArnarG.is.

Fram koma í þessu myndbandi, Mark Knopfler (Dire Straits), Mark King (Level 42), Gary Moore, David Gilmour (Pink Floyd) ofl.

Robert William Gary Moore (4 April 1952 – 6 February 2011), þekktur sem Gary Moore, er fæddur í Belfast, Norður-Írlandi árið 1952.

Gary Moore er best þekktur fyrir sólóferil sinn sem lagahöfundur, söngvari og rokk- eða blúsgítarleikari. Hann hóf snemma sinn feril sem gítarleikari, hann flutti frá Belfast til Dublin 16 ára til að starfa í tónlistarbransanum, þar gekk hann til liðs við hljómsveitina Skid Row. Í þeirri hljómsveit var Phil Lynott, sem síðar stofnaði hljómsveitina Thin Lizzy árið 1969 og Gary Moore var einnig í þeirri hjómsveit. Gary Moore fluttist til Englands 1970 og bjó þar síðan, fyrir utan tvö stutt tímabil þar sem hann bjó í Bandaríkjunum.

Áhrifavaldar
8 ára gamall hóf Gary Moore að spila á gítar, hann komst yfir gítargarm og fékk svo sinn fyrsta “alvöru” gítar 14 ára. Gary Moore er örfhentur en spilar á venjulegan gítar. Fyrstu áhrifavaldar hans voru Albert King, Elvis Presley og Bítlarnir. Eftir að hafa séð Jimi Hendrix, John Mayall’s Bluesbrakers í heimabæ sínum, Belfast, tók stíll hans að mótast og einkennast af blús-rokk stíl sem síðar hefur einkennt Gary Moore.

Peter Green
Peter Green hefur etv haft einna mest áhrif á Gary Moore af flestum öðrum gítarleikurum. Peter Green tók Gary Moore leiðbeindi honum í Dublin. Gary Moore gaf út plötu tileinkuð Peter Green árið 1995, Blues for Greeny. Á þeirri plötu voru einungis lög eftir Green. Á plötunni lék Gary Moore á Gibson Les Paul ’1959 sem var áður í eigu Peter Green. Green hafði selt Gary Moore gítarinn því hann vildi að gítarinn myndi eignast „gott heimili“.

Samstarf við aðra tónlistarmenn
Gary Moore hefur starfað með fjölda tónlistarmanna í mismunandi stílum tónlistar. Þar má m.a. nefna: George Harrison, Albert Collins, Jimmy Nail, Mo Foster, Ginger Baker, Jack Bruce, Jim Capaldi, Vicki Brown, Cozy Powell, the Beach Boys, Ozzy Osbourne. Gary Moore lék á plötu Andrew Lloyd Webber á plötu hans Variations, sem út kom 1977.

Gary Moore lést úr hjartaáfalli á hótelherbergi í Estepona á Spáni 6. febrúar 2011, 58 ára að aldri.

Tóndæmi:

Still Got the Blues

Empty Rooms – Gítarsóló (Stockholm)
Gary Moore er þekktur fyrir melódísk gítarsóló sín, hér er eitt gott dæmi af slíku.

Gary Moore & Philip Lynott – Parisienne walkways
Hér er Gary með fyrrum hljómsveitarfélaga sínum úr Skid Row og Thin Lizzy, Phil Lynott.

Gary Moore & BB King – Since I Met You Baby
Hér er Gary að leika með virta blúsmeistara, BB King.

Gary Moore – Red House (Jimi Hendrix)

Hljómarnir í laginu eru:
Am – C – D – F
Am – C – E – E
Am – C – D – F
Am – E
Am – C – D – F
Am – Em – Am – Em
…. og svo eru hljómarnir endurteknir aftur og aftur og aftur OG aftur :)

Hér má svo hlýða á lagið í flutningin The Animals:

Þetta er vont!!! Hvað á ég að gera í því ?
Hætta að væla :) Þú færð sigg á puttana áður en þú veist af. Ekki ofgera þér samt, það er vont að fá blöðrur. En smá rauð húð sakar engan.

En í alvöru…?
Eina leiðin til að verða góður í er að æfa sig á því sem maður er ekki góður í. Sem þýðir t.d. ef hljómaspil er ekki þín sterka hlið, taktu það þá fyrir og æfðu það.

Í byrjun er mikilvægt að byggja upp styrk og fá góðan hljóm í nóturnar. Þá verður auðveldar að spila hljóma og nótur inn á milli, sem er grunnurinn að öllu.

Æfingarprógramm
Hérna er ágætisæfingarprógramm fyrir byrjenda á gítar.

• Hita hendurnar/puttana upp með fingraæfingum og/eða hreyfa puttana (búa til hnefa og rétta úr)
• Spila fingraæfingar, t.d. “1-2-3-4″ eins og við höfum farið yfir í gítartíma 4
• Spila alla grunnhljómana – það er gott fyrr “puttaminnið”
• Gæta þess vel og vandlega að hver nóta í hljóminum hljómi vel
• Spila með nögl hverja nótu í hljómnum fyrir sig
• Æfa sig á algengum hljómaröðum. T.d. G-Em-Am-C
• Taka pásu þegar þetta “vont” og passa handstöðuna að vera með únliðinn eins afslappaðan og beinan og hægt er. Ef hann er í of mikilli sveigju er hætt við að fá sinaskeiðabólgu.
• Í lok æfinga er gott að gera smá fingraæfingar, nettar teygjur.

Endilega láttu í þér heyra, annaðhvort í kommentum hér að neðan eða í gegnum tölvupóstinn gitarskolinn@gmail.com

Í fyrsta hluta förum við yfir:

• Fingraæfingu – góð til að auka styrk í vinstri hendi og auka samhæfingu hægri- og vinstri handa.
• Lærum einfalt stef, byrjunin á James Bond stefinu.
• Taktar – förum aðeins í hvað “fjórir-fjórðu” (4/4) er og “þrír-fjórðu” (3/4)

Í öðrum hluta förum við yfir:

• Hljómaspil með bassatónum og taktpælingar – framhald frá síðasta tíma
• Upprifjun – hvað við fórum yfir í tímanum

Gítartími 4 – 1. hluti.

Gítartími 4 – 2.hluti

Það er mjög mikilvægt að geta spilað bassanótur með hljómum, sérstaklega ef maður er einn um undirspilið.

Gangi þér vel með þetta! Láttu endilega í þér heyra með því að fylla út commentaformið hér að neðan eða með því að senda póst á gitarskolinn@gmail.com.

Ray Charles, upprunalega frá Georgíufylki, hljóðritaði lagið 1960 og gaf það út á plötunni “The Genius Hits the Road”. Þetta lag varð svo hið opinbera lag Georgíufylkis árið 1979.